Rebeca

Baada ya vurugu kwenye harusi na mtoto kuuliwa kikatili, Hlomu haoni tena maana ya kusamehe. Akiwa amevunjika moyo na kugubikwa na hasira, sasa anaitaka familia ya Zulu Brothers kulipa kwa njia ile ile waliyoleta majonzi — kwa damu.

Joto la kisasi linazidi kupanda kwenye JIVU! Amanzi anaangukia mikononi mwa genge hatari la Zingizi katika tukio la kutisha linalotia shaka juu ya hatma yake. Je, huu ni mwisho wa safari ya Amanzi au mwanzo wa kitu kikubwa zaidi? Tazama highlight hii ya kusisimua kutoka #JIVU na fuatilia kwa karibu mfululizo wa matukio yanayobeba giza, kisasi na hofu.

Wakati wakibishana, wake wa Nguzu wanavamiwa ghafla na mtu mwenye bastola! Sasa maisha yao yapo hatarini — je, nani yuko nyuma ya utekaji huu? Tazama tukio hili la kutibua hisia kutoka #Mpali, na fuatilia drama kali zaidi kwenye Maisha Magic Bongo!

Roy anazidiwa na pombe hadi kulazimika kulala kwa Kibibi Lakini je, Kibibi anamtunza… au kuna jambo linaendelea nyuma ya pazia?

Zanzibar yachangamka! Maria anapokea habari njema za ujauzito wake – na safari hii ni mtoto wa kiume! Lakini huku furaha ikitawala, maswali kuhusu hatma ya familia na mahusiano yake yanazidi kuibuka. Je, huyu mtoto ataunganisha au kuvunja kabisa kile kilichosalia?

Moto wa visasi sasa umefika kileleni! WanaMajoola wameshambulia moja kwa moja – bila onyo, bila huruma. Zulu Brothers wamejikuta wakikabiliana na maafa ya ghafla, huku uaminifu na dhamira vikipimwa katika sekunde chache. Ni tukio la kushangaza lililobadilisha kila kitu ndani ya The Wife. Mikono imelowa damu, na sasa hakuna kinachoweza kuwa kama awali…

Moto wa JIVU hauzimiki! Wiki hii tumeshuhudia mvutano mkubwa kati ya Fahad na Munir, baada ya Munir kuchukua uamuzi wa kuwapandishia mishahara wafanyakazi wa tembo bila kumshirikisha Fahad. Kitendo hicho kimemuudhi vibaya Fahad, ambaye anaona hatua hiyo kama kuvuruga mamlaka na heshima yake ndani ya biashara.

Wiki hii ndani ya Mpali, hali ya sintofahamu imetanda kwenye familia ya Nguzu. Ugomvi mkubwa unalipuka kati ya Tamara na Lindiwe, kila mmoja akitaka kusimama imara — lakini je, kuna aliye tayari kuachia nafasi? Mvutano huo unazidi kuibua migogoro mipya katika familia. Wakati huo huo, Nguvu anaketi na wake zake lakini bila kujali kuwa mmoja wao hajarejea nyumbani kwa siku mbili mfululizo. Kauli yake ya kupuuza hali hiyo inawashangaza wake wenzake — na inaibua maswali mazito juu ya uaminifu na usawa katika ndoa yao ya mitala.

Wiki hii ndani ya Huba imetawaliwa na maumivu, mshtuko na hali ya wasiwasi. Abby ametekwa nyara, na hatma yake bado haijulikani. Kila sekunde inapita ikiwa ni mzigo kwa familia na mashabiki walioguswa na tukio hilo la kutisha. Wakati huohuo, Nicole anakumbana na mateso mitaani baada ya kuvamiwa na wahuni waliomuibia kila kitu. Amejeruhiwa na kurejea nyumbani akiwa amejaa huzuni na hofu, akamfuata Ritha akiwa amevunjika moyo kabisa.

Broken Pieces ni tamthilia mpya ya kusisimua inayofuatilia maisha ya Cansu na Hazal – wasichana waliobadilishiwa wakati wa kuzaliwa. Wameishi maisha ya uongo, bila kujua… hadi sasa. Kwa upande mmoja yupo Gulseren, mama wa kawaida aliyejitoa kwa mapenzi ya kweli. Kwa upande mwingine yupo Dilara, mama tajiri aliyelelewa kwenye misingi ya heshima na mamlaka. Siri hii inapovuja, migogoro, majuto na maamuzi magumu yanatishia kuvunja kila kitu vipande vipande.

Watoto wa amanzi wachoshwa na tabia za baba yao kumpiga mama yao kila mara. Mmoja wa watoto wake (Kombo) analipuka kwa hasira na kumuelekezea bastola – ni tukio la kushtua, lenye hisia nzito na mshangao kwa kila anayeshuhudia. Baada ya tukio hilo Amanzi anatumbwa rumande na huko anakutana na kichapo kutoka kwa wafungwa wenzie. JIVU linaendelea kuvunja ukimya kuhusu dhuluma za kifamilia na maamuzi yanayobeba maumivu makubwa.

Familia ya Majoola haiko tayari kuruhusu Zulu brothers kurudi kijijini! Mapambano ya heshima na msimamo yanaibuka, huku wazee wakiteta vikali dhidi ya urejeo wa ndugu hao waliotikisa historia ya kijiji. Wakati huo huo, Mqhele na mdogo wake Qwese wanaweka tofauti zao kando – ni moment ya nadra ya maridhiano ya kindugu ambayo kila mtu alikuwa akisubiri. Lakini kama kawaida ya Mandisa... hali ya hewa inachafuka ghafla! Anamvamia Hlomu kwa maneno mazito kuhusu ex wa Mqhele — na si tu ex, bali mmoja wao ana ujauzito! :flushed: