Baada ya mafanikio makubwa ya My Name is Farah, Maisha Magic Bongo sasa inakupeleka kwenye safari nyingine ya kihisia kupitia tamthilia mpya ya Kituruki iliyotafsiriwa kwa Kiswahili — Broken Pieces.

Ikiwa na uzito wa maudhui, wahusika wenye nguvu ya kipekee, na misimamo inayochochea mvutano wa kifamilia, Broken Pieces inaleta kile ambacho watazamaji wa My Name is Farah wamekipenda: hadithi ya mapenzi yenye vizingiti, familia zenye migogoro, na siri zinazochanganya kila hatua ya maisha.

Nini Kinaifanya Broken Pieces Kuwa ya Kipekee?

Broken Pieces inasimulia maisha ya familia mbili ambazo zinakutana kwa njia ya ajabu kutokana na kosa moja la kitabibu lililofanyika miaka mingi iliyopita. Maisha yao yanavurugwa na mfululizo wa maamuzi magumu, mapenzi yasiyotegemewa, na ukweli unaoumiza.

Watazamaji watajikuta wakigawanyika kati ya huruma na hasira, mapenzi na wajibu — huku kila tukio likifungua ukurasa mpya wa mshangao na msukosuko wa kihisia.

Ratiba ya Matangazo
Jumatatu hadi Alhamisi
Saa 1:00 usiku
Maisha Magic Bongo – DStv Channel 160

Kwa mashabiki wa tamthilia zenye uzito wa kihisia, mandhari ya kuvutia, na maudhui halisi ya maisha, hii ni burudani ya kipekee isiyopaswa kukosa mwezi huu wa Julai.

Endelea Kufuatilia kurasa zetu za mitandao ya kijamii 

Fuata @maishamagicbongo kwenye Instagram, Facebook na YouTube kwa mazungumzo ya mashabiki, video fupi, na maoni ya kila wiki kuhusu tamthilia hii mpya.